नेपालकैरन
ताप्लेजुङ । शनिबार ताप्लेजुङको पाथीभरा क्षेत्रमा केवलकार निर्माणको विषयलाई लिएर भएको झडपको विरोधमा आज ताप्लेजुङ बन्द गरिएको छ।
आन्दोलनरत पक्षले ताप्लेजुङ सदरमुकाम फुङ्लिङ बजार लगायत जिल्लाका प्रमुख व्यापारिक केन्द्रहरू बन्द गराएको प्रहरीले जनाएको छ । बजार बन्द गराउँदै हिँडेको अभियोगमा प्रहरीले एकजनालाई पक्राउ गरेको छ । पक्राउ पर्नेमा पहिचानवादी मोर्चाको ताप्लेजुङ जिल्लाका संयोजक प्रदीप मादेन रहेको प्रहरीले जनाएको छ।
जिल्ला प्रहरी कार्यालय ताप्लेजुङका डिएसपी रवि रावलका अनुसार आज पहिचान पक्षले जिल्ला बन्दको घोषणा गरेका कारण ताप्लेजुङका प्रमुख व्यापारिक बजारहरुमा आंशिक प्रभाव परेको छ।
पाथीभरा क्षेत्रमा केवलकार निर्माणको विषयलाई लिएर गत कार्तिकदेखि ‘नो केबलकार’ समूह र प्रहरीबीच पटकपटक विवाद र झडप हुँदै आएको छ। गत शनिबार पनि नो केवलकार समूहका आन्दोलनकारीमाथि प्रहरीले अत्याधिक बल प्रयोग गरेको र चारजनालाई घाइते बनाएको विरोधमा आन्दोलनकारी समूहबाट आज ताप्लेजुङ बन्दको आयोजना गरिएको हो।
यसैबीच पाथीभरामा‘नो केबलकार’को आन्दोलन चर्किरहेको अवस्थामा गृहमन्त्री रमेश लेखकले सो क्षेत्रका निर्वाचित सांसदहरूसँग आज छलफलको तयारी गर्नुभएको छ ।
छलफलका लागि गृहमन्त्री लेखकले इलाम पाँचथर ताप्लेजुङ र तेह्रथुमबाट सङ्घीय संसदमा प्रतिनिधित्व गर्ने सांसदहरुलाई मन्त्रालयमा बोलाउनुएको उहाँको सचिवालयले जनाएको छ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु