नेपालकैरन
काठमाडौँ । राष्ट्रियसभामा सत्ता गठबन्धनभित्र नेकपा एकीकृत समाजवादीले ३ सिटको अडान लिएको छ ।
सत्ता गठबन्धन टिकाउन निर्णयक भूमिका खेल्दै आएको एकीकृत समाजवादी यसअघिसम्म राष्ट्रियसभामा ४ सिट दाबी गर्ने योजना बनाएको थियो । तर गठबन्धनमा अन्य दललाई पनि भाग पुर्याउनुपर्ने बाध्यता महशुस गर्दै ३ सिटमा झरेर त्यसमा अडान दिएको हो ।
एकीकृत समाजवादीले राष्ट्रियसभा निर्वाचनमा भागबण्डा दाबी गर्ने र प्राप्त भागमा पार्टीभित्रबाट उम्मेदवार तोक्ने लगायतका सबै निर्णय गर्ने अधिकार अध्यक्ष माधवकुमार नेपाल, उपाध्यक्ष राजेन्द्र पाण्डे र महासचिव घनश्याम भूसाललाई दिएको छ । राष्ट्रियसभाको १९ सिट बाँडफाँटका लागि सत्ता गठबन्धनको बैठक निरन्तर बसिरहेको छ । तर गठबन्धनमा नेपाली कांग्रेस र नेकपा माओवादी केन्द्रले बढी दाबी गरेपछि अन्य दललाई समस्या परेको छ ।
राष्ट्रियसभामा कांग्रेस १० र माओवादी केन्द्रले ६ दाबी गरेको छ । यसअघि ४ सिट दाबी गरेको एकीकृत समाजवादीले ३ सिटमा चित्त बुझाउन तयार भएपछि कांग्रेसले ९ र माओवादी केन्द्रले ४ सिट भन्दा बढी दिन नहुने गठबन्धनका अन्य दलको सुझाव रहेको बैठकमा सहभागी नेताहरुको भनाई छ । एकीकृत समाजवादीले ३ सिटबाट पनि घट्नु परे, आफूहरुले थप एउटा मन्त्री पाउनुपर्ने अडान समेत लिएको महासचिव घनश्याम भूसालले बताउनुभयो । ‘हिजो पनि हामीले त्यही भनेका हौं, आज पनि ३ सिट बटमलाइन हो भनेर उठेको छौं’ उहाँले भन्नुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै