नेपालकैरन
काठमाडौँ । नेकपा एमालेका अध्यक्ष के पी ओलीले आसन्न राष्ट्रिय सभा सदस्य निर्बाचनमा मिलेर जान सत्ता गठबन्धनसंग प्रस्ताव गर्नुभएको छ ।
प्रधानमन्त्रीको सरकारी निवास बालुवाटारमा आज साँझ सम्पन्न सत्ता गठबन्धन र एमालेका शीर्ष नेताहरुको छलफलमा एमाले अध्यक्ष ओलीले राष्ट्रिय सभा सदस्य निर्वाचनमा मिलेर जान प्रस्ताव राख्नुभएको बैठकपछि एकीकृत समाजवादीका उपाध्यक्ष राजेन्द्र पाण्डेले संचारकर्मीलाई जानकारी दिनुभयो । एमालेबाट ठोस प्रस्ताव नआएकाले यस बिषयमा कुनै सहमति नभएको उहाँले बताउनुभयो ।
बैठकमा गठबन्धन दलहरूबीच यसअघि आ–आफूले जितेको सिट यथावत् राखेर जान असहमति नभएपनि एमालेबाट जितेका ९ सिटमा कसरी भागबण्डा गर्ने भन्ने विषयमा सहमति नभएको उहाँको भनाइ थियो ।
‘एमालेबाट राष्ट्रियसभा निर्वाचनमा मिलेर जाऊँ भन्ने खालको प्रस्ताव आएको छ । एमालेको मनसाय आफूहरूलाई माइनस नगरियोस् भन्ने खालको छ’, उहाँले भन्नुभयो, ‘तर सिट बाँडफाँटमा कुनै सहमति भएको छैन । बिहीबार बिहान पुनः बैठक बस्छ ।’
राष्ट्रिय सभा सदस्य निर्वाचनमा एमालेले सत्ता गठबन्धनसंग सहकार्य गरेर जान प्रधानमन्त्रीसँग प्रस्ताव गरेको कुरा आएको छ । यसमा एमालेले स्पष्ट प्रस्ताव ल्याए मात्र त्यस विषयमा छलफल गर्न सकिने पाण्डेले बताउनुभयो।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै